कांग्रेस केन्द्रीय कार्यसम्पादन समितिको बैठक बस्दै

काठमाडौं– नेपाली कांग्रेसको केन्द्रीय कार्यसम्पादन समितिको बैठक आज बस्दै छ । पार्टी केन्द्रीय कार्यालय सानेपामा दिउँसो सवा १२ बजे बैठक बस्न लागेको हो ।

महासमिति बैठकको तयारी, जाजरकोट भूकम्प र समसामयिक राजनीतिक विषय छलफलको मुख्य एजेण्डा रहेको बताइएको छ ।

कांग्रेसले महासमिति बैठक यसअघि मङ्सिर १३ देखि १५ भित्रै गर्ने मिति तोकेको थियो । तर तयारी नपुगेको भन्दै स्थगित गरेर पुस १६ देखि १९ मा सारेको हो ।