काठमाडौंमा गाँजासहित किराना पसलबाट एक महिला पक्राउ

काठमाडौं– गाँजा जस्तो देखिने अवैध लागूऔषध सहित प्रहरीले एक महिलालाई पक्राउ गरेको छ ।

काठमाडौं महानगरपालिका–१५ तल्लो विजेश्वरीस्थित विष्णुमती करिडोरकी ३३ वर्षीया इन्दिरा श्रेष्ठलाई गाँजा जस्तो देखिने अवैध लागूऔषध एक सय ९० ग्रामसहित पक्राउ गरेको प्रहरी प्रधान कार्यालयले जनाएको छ ।

उनको किराना पसलमा लागूऔषध बिक्री वितरण गरिएको भन्ने खबर प्राप्त हुनासाथ प्रहरी वृत्त स्वयम्भूबाट खटिएको प्रहरीले पसल तलासी गर्दा उक्त लागूऔषधसहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाइएको छ ।