इनारमा डुबेर भक्तपुरमा एक जनाको मृत्यु

काठमाडौं– इनारमा डुबेर भक्तपुरमा एक जनाको मृत्यु भएको छ ।

चाँगुनारायण नगरपालिका–९ ताथली राममन्दिर बस्ने ५२ वर्षीय राम खड्का आफ्नै घरको इनारमा मृत फेला परेको जिल्ला प्रहरी परिसर भक्तपुरका डिएसपी बसन्त पाठकले जानकारी दिए ।

आज बिहान ८ बजेतिर उनी घरमा चिया खाएर निस्केका थिए । त्यसपछि सम्पर्कमा नआएपछि २४ वर्षीय छोरा कन्चनले खोजी गर्दा आफ्नै घरको इनारमा मृत फेला परेको देखेका थिए ।

प्रहरीले यस घटनाको अनुसन्धान गरिरहेको छ ।