ललितपुरको झम्सीखेलमा लागूऔषध कारोबारीलाई पक्राउ गर्न प्रहरीले चलायो गोली

काठमाडौं– ललितपुरको झम्सीखेलमा आज गोली चलाएर लागूऔषध कारोबारीलाई पक्राउ गरेको छ ।

नेपाल प्रहरीको काठमाडौं उपत्यका अपराध अनुसन्धान कार्यालयको टोलीले लागूऔषध कारोबारीलाई पक्राउ गर्ने क्रममा गोली चलाएको हो ।
एसपी रवीन्द्र रेग्मीका अनुसार पक्राउ पर्नेमा उदयपुर घर भएका अविनाश राई रहेका छन् ।

उनको दाहिने खुट्टामा गोली लागेको छ । घाइते भएका राईलाई उपचारका लागि ट्रमा सेन्टर लगिएको छ । उनको अवस्था खतरामुक्त रहेको प्रहरीले जानकारी दिएको छ ।

राईको साथबाट पेस्तोलसहित लागूऔषधसमेत बरामद गरिएको रेग्मीले जानकारी दिए ।