नागढुंगाबाट २ किलो अवैध सुनसहित तीन जना पक्राउ

काठमाडौं– नागढुंगाबाट अवैध सुनसहित ३ जना पक्राउ परेका छन् । काठमाडौं उपत्यका अपराध अनुसन्धान कार्यालयका एसपी रवीन्द्र रेग्मीका अनुसार २ किलो जति सुनसहित उनीहरूलाई पक्राउ गरिएको हो ।

रसुवाबाट काठमाडौं आइरहेको स्कार्पियो नागढुंगामा चेक गर्दा समातिएको उनले बताए । उक्त सुन चिनियाँ नागरिकको हो भन्ने बुझिएको छ । चिनियाँ नागरिकलाई समात्न टोली परिचालन गरिएको प्रहरीले जनाएको छ ।

थप अनुसन्धान जारी रहेको प्रहरीको भनाइ छ ।