एकीकृत समाजवादीको सचिवालय बैठक बस्दै : यी हुन् बैठकका एजेण्डा

काठमाडौं – नेकपा (एकीकृत समाजवादी) को सचिवालय बैठक आज बस्दैछ ।

बैठक आज बिहान ११ बजे पार्टी केन्द्रिय कार्यालय आलोकनगरमा बस्ने पार्टी उपाध्यक्ष तथा संसदिय दलका उपनेता राजेन्द्रप्रसाद पाण्डेले जानकारी दिए । पाण्डेका अनुसार आज बस्ने बैठक ६९ औँ बैठक हो । आजको बैठकमा राष्ट्रिय महाधिवेशनको तयारी, अपानी ११ लगायतका विषयमा छलफल हुने छ । पार्टीले आगामी माघमा गर्ने भनिएको महाअधिवेशनको विषयमा पनि निर्क्यौल गर्नेछ ।

माघमा राष्ट्रियसभाको निर्वाचन हुने भएकोले महाधिवेशन सर्न सक्ने पनि पाण्डेले जानकारी दिए । बैठकमा अन्तर्राष्ट्रिय परिस्थितिबारे छलफल र पार्टीले निर्वाह गर्नुपर्ने भूमिकाबारे रणनीति तय गरिने पाण्डेको भनाई छ।