बसबाट ओर्लदा त्यही बसले किचेर एक वृद्धाको ज्यान गयो

काठमाडौं– मकवानपुरमा बसको ठक्करबाट एक जना वृद्धाको ज्यान गएको छ । आफैँ चढेको बसले किच्दा मकवानपुरको इन्द्रसरोवर गाउँपालिका–५ कुवाकी ७० वर्षीया कान्छीमाया घलानको ज्यान गएको हो ।

जिल्ला प्रहरी कार्यालय मकवानपुरका अनुसार चखेल मातातीर्थ सडकखण्ड अन्तर्गत काठमाडौंबाट मकवानपुरका लागि छुटेको बा २ ख ७२७२ नम्बरको बसमा यात्रा गरिरहेकी घलानलाई बसबाट ओर्लँदा त्यही बसले किचेर गम्भीर घाइते बनाएको थियो ।

उनको काठमाडौंको बि एण्ड बि अस्पतालमा उपचारको क्रममा मृत्यु भएको हो । २६ वर्षीय बस चालक राजकुमार दोङलाई प्रहरीले नियन्त्रणमा लिएको छ ।