ट्याक्टरबाट लडेर एक जनाको मृत्यु

काठमाडौं– बाराको कोल्हबी नगरपालिका–१ बटौलियामा ट्याक्टरबाट लडेर एक जना वृद्धको मृत्यु भएको छ ।

ना.५ त ४६७५ नम्बरको ट्याक्टरबाट लडेर ट्याक्टरमा सवार सोही ठाउँ बस्ने ट्याक्टर धनी ६५ वर्षीय नारायण चौधरीको आज मृत्यु भएको हो ।

ट्रयाक्टरबाट लडेर गम्भीर घाइते भएका उनको एनएमसी अस्पताल वीरगंजमा उपचारको क्रममा मृत्यु भएको प्रहरीको भनाइ छ ।

हाल फरार ट्याक्टर चालकको प्रहरीले खोजी गर्नुका साथै यस सम्बन्धमा आवश्यक अनुसन्धान गरिरहेको छ ।