काठमाडौं– राष्ट्रिय क्रिकेट टोलीका अलराउन्डर खेलाडी गुल्सन झाले यू—१९ एसिया कप पनि खेल्ने भएका छन् ।
१७ वर्षीय गुल्सन सिनियर राष्ट्रिय टोलीका प्रभावशाली सदस्य पनि हुन् । यसअघि उनले सिनियर राष्ट्रिय टोलीबाट यसै वर्ष पाकिस्तान र श्रीलंकामा आयोजित एसिया कप पनि खेलेका थिए ।
यू—१९ एसिया कप डिसेम्बर ८ देखि १७ सम्म संयुक्त अरब इमिरेट्स यूएईमा आयोजना हुँदैछ । प्रतियोगितामा आठवटा टोली सहभागी हुँदैछन् । नेपाल प्रतियोगिताको समूह ‘ए’ मा परेको छ । उक्त समूहमा अफगानिस्तान, भारत र पाकिस्तान पनि रहेका छन् ।
प्रतियोगिताको समूह ‘बी’ मा भने बंगलादेश, जापान, श्रीलंका र आयोजक यूएई रहेका छन् । नेपालले आफ्नो पहिलो खेल डिसेम्बर ८ तारिखमा पाकिस्तानसँग खेल्नेछ ।
नेपालले दोस्रो खेल डिसेम्बर १० मा अफगानिस्तानसँग र तेस्रो खेल डिसेम्बर १२ मा भारतसँग खेल्नेछ ।
प्रत्येक समूहबाट दुई—दुई टोली प्रतियोगिताको सेमिफाइनलमा पुग्ने प्रावधान रहेको छ । अहिले नेपाली टोली यू(१९ एसिया कपको बन्द प्रशिक्षणमा छ ।
नयाँबानेश्वर काठमाण्डौ, नेपाल
01-5705310
सुचना तथा प्रशारण बिभाग दर्ता नं. : - २८३२ - ०७८/७९
Editor-in-Chief :
Bibek Aryal 9841065149
Desk Editor : Haribahadur Baniya
: Bikash Rauniyar
