केपी ओली कप टी–२० क्रिकेटमा कर्णालीको पहिलो जित

काठमाडौं – केपी ओली कप टी–२० क्रिकेटमा कर्णाली प्रदेशले पहिलो जित निकालेको छ । आजको पहिलो खेलमा कर्णाली प्रदेशले मदन भण्डारी स्पोर्ट्स एकेडेमी ‘रातो’ लाई ४ विकेटले हराएको छ ।

टस जितेर पहिला ब्याटिङ गरेको मदन भण्डारी स्पोर्ट्स एकेडेमी ‘रातो’ ले निर्धारित २० ओभरमा ६ विकेट गुमाएर १ सय ९ रन बनाएको थियो । जितका लागि १ सय १० रनको लक्ष्य पछ्याएको कर्णालीले १८ ओभर एक बलमा ६ विकेट गुमाउँदै भेट्टायो ।

हिजो भएको खेलमा बागमतीले कर्णालीलाई ९० रनले र अस्ति भएको खेलमा मदन भण्डारी स्पोर्ट्स एकेडेमी ‘रातो’ लाई १ सय ९ रनले हराएको थियो । बागमती समूह ‘ए’ का दुवै खेल जित्दै सेमिफाइनलमा पुगिसकेको छ ।