बल्खुमा प्रहरीमाथि ढुंगामुढा गर्ने पाँच जना पक्राउ, अन्यको खोजी जारी

काठमाडौं– मेडिकल व्यवसायी दुर्गा प्रसाईं पक्षको प्रदर्शनमा प्रहरीमाथि ढुंगामुढा गर्ने पाँच जनालाई प्रहरीले पक्राउ गरेको छ ।

जिल्ला प्रहरी परिसर काठमाडौंले पाँच जनालाई विभिन्न ठाउँबाट पक्राउ गरिएको एसएसपी भुपेन्द्र खत्रीले जानकारी दिए । प्रहरीले उनीहरूको नाम सार्वजनिक गरिसकेको छैन ।

प्रहरीमाथि ढुंगामुढा गर्ने, गुलेलीले हिर्काएको र अराजकता फैलाएको भन्दै उनीहरूलाई प्रहरीले नियन्त्रणमा लिएको प्रहरीले जनाएको छ ।

यसमा संलग्न अन्य व्यक्तिहरूलाई पनि प्रहरीले खोजिरहेको छ । बिहीबार बल्खुमा भएको प्रदर्शनमा पाँच प्रहरीसहित २८ जना घाइते भएका थिए ।