चितवनमा बोराभित्र महिला र पुरुषको शव फेला

काठमाडौं– चितवनको भरतपुरमा बोराभित्र प्याक गरेको अवस्थामा महिला र पुरुषको शव भेटिएको छ ।

भरतपुर महानगरपालिका–१२ स्थित मिलनचोकमा शव भेटिएको जिल्ला प्रहरी कार्यालय चितवनका डिएसपी विजय पण्डितले बताए ।

राजमार्ग नजिकै पुलमुनी शव फेला परेपछि घटनास्थलमा प्रहरी पुगेको छ । शवको सनाखत गर्न बाँकी रहेको डिएसपी पण्डितले जानकारी दिए ।

घटनाबारे चितवन प्रहरीले अनुसन्धान सुरु गरेको छ ।