मुक्तिनाथ कृषि कम्पनीले आईपीओ जारी गर्दै

काठमाडौं– मुक्तिनाथ कृषि कम्पनीको प्राथमिक सेयर (आईपीओ) मा सर्वसाधारणका लागि मंसिर ८ गतेदेखि आवेदन खुल्ने भएको छ ।

बिक्री प्रवन्धक एनआईएमबी एस क्यापिटलले एक सार्वजनिक सूचना जारी गर्दै कम्पनीको आईपीओमा मंसिर १२ गतेसम्म आवेदन दिन सकिने जनाएको छ । कम्पनीले जारी पुँजी ७० करोड रुपैयाँको २० प्रतिशत सेयर सर्वसाधारण समूहमा निस्कासन गर्न लागेको हो ।

वैदेशिक रोजगारमा गएका नेपाली नागरिक कर्मचारी तथा सामूहिक लगानी कोषका लागि छुट्याएपछि सर्वसाधारणका लागि कुल ११ लाख ४८ हजार कित्ता सेयर जारी हुन लागेको हो ।

अंकित मूल्य १ सयका दरले कम्पनीको आईपीओमा सर्वसाधारणले अनलाइन प्रणाली मेरोसेयरमार्फत आवेदन दिन सक्नेछन् ।