नक्कली शरणार्थी प्रकरणमा अभियुक्तले दिएको निवेदनमा आजदेखि सुनुवाइ हुँदै

काठमाडौं– नक्कली भुटानी शरणार्थी प्रकरणका अभियुक्तको निवेदनमा उच्च अदालत, पाटनमा आजदेखि निरन्तर सुनुवाइ हुँदै छ ।

नेपाली नागरिकलाई नक्कली भुटानी शरणार्थी बनाएर अमेरिका पठाइदिने भनी भएको ठगी सम्बन्धी अभियोगमा पुर्पक्षका लागि थुनामा गएका अभियुक्तहरूले उच्च अदालतमा दिएको निवेदनमा सुनुवाइ हुन लागेको हो ।

आज निवेदन न्यायाधीशद्वय जनक पाण्डे र प्रकाश खरेलको इजलासमा परेको छ ।

पूर्व उपप्रधानमन्त्री टोपबहादुर रायमाझी, पूर्व गृहमन्त्री बालकृष्ण खाण, निलम्वबित सचिव टेकनारायण पाण्डे लगायत प्रतिवादीले जिल्ला अदालत
काठमाडौंको थुनामा पठाउने निर्णय त्रुटिपूर्ण भएको दाबीसहित उच्च अदालत, पाटनमा साउनमा निवेदन दिएका थिए । करिब ४ महिनापछि उक्त निवेदनहरुमा सुनुवाइ हुन लागेको हो ।