कांग्रेसले भूकम्पपीडित बस्ने टहरा बनाउन इन्जिनियर र डकर्मी सहितको टोली पठाउने

काठमाडौं– नेपाली कांग्रेसले भूकम्पपीडितका लागि टहरा बनाउन इन्जिनियर र डकर्मीसहित स्वयमसेवक टोली जाजरकोट र रूकुम पश्चिम पठाउने भएको छ ।

आज बिहान धुम्बाराहीमा बसेको पदाधिकारी बैठकले सो निर्णय गरेको हो ।

जाजरकोट र रूकुम पश्चिममा भूकम्पपीडितलाई टहरा बनाउन २५ वटा स्वयमसेवक टोली पठाउने निर्णय भएको प्रचार विभाग प्रमुख मीनबहादुर विश्वकर्माले बताए ।

चिसोले गर्दा भूकम्पपीडित समस्यामा परेको भन्दै कांग्रेसले टहरा निर्माणमा श्रमदान गर्ने निर्णय गरेको हो । साथै टहरा निर्माणका लागि दिने भनिएको राहत रकम छिटो उपलब्ध गराउन पनि सरकारलाई कांग्रेसले आग्रह गरेको छ ।