मकवानपुरमा रुखबाट लडेर एक महिलाको मृत्यु

काठमाडौं– मकवानपुरको मनहरीमा रुखबाट लडेर एक जनाको मृत्यु भएको छ ।

मनहरी–७ रमौली बस्ने २८ वर्षीय रिता सुनारी मगरको घाँस काट्ने क्रममा लडेर मृत्यु भएको जिल्ला प्रहरी कार्यालय मकवानपुरले जनाएको छ ।

आज बिहान ८ बजेको समयमा जंगलमा घाँस काट्ने क्रममा लडेर घाइते भएकी मगरको चितवनस्थित नयाँ मेडिकल कलेजमा उपचारको क्रममा मृत्यु भएको जिल्ला प्रहरी कार्यालय मकवानपुरका प्रवक्ता एवम् प्रहरी नायव उपरीक्षक लक्ष्मी भण्डारीले जानकारी दिए ।