पूजा गर्न बालेको दियो आफैंले लगाएको कपडामा सल्किँदा एकजना वृद्धाको मृत्यु

काठमाडौं– लक्ष्मी पूजा गर्न बालेको दियो सल्कँदा आइतबार एक वृद्धाको मृत्यु भएको छ ।

भक्तपुरको मध्युपुर ठिमी नगरपालिका बस्ने ८३ वर्षीया सावित्रादेवी मल्लको मृत्यु भएको भक्तपुरका डिएसपी बसन्त पाठकले जानकारी दिए ।
डिएसपी पाठकका अनुसार उनले तीन तले घरको दोस्रो तलामा लक्ष्मी पूजा गर्न दियो बालेकी थिइन् ।

अचानक दियोको बत्ती आफैंले लगाएको कपडामा सल्किएको ८५ वर्षीय श्रीमान् गुरूप्रसाद दाहालले पानी हाली निभाउने कोसिस गरेको थिए । तर आगो ननिभेपछि सावित्रादेवीको घटनास्थलमै मृत्यु भएको डिएसपी पाठकले जानकारी दिए ।

घटनाबारे प्रहरीले अनुसन्धान गरिरहेको छ ।