आगलागीमा परेर आमा–छोराको मृत्यु

काठमाडौं– उत्तरी गोरखाको धार्चे गाउँपालिका–१ हुल्चुकमा एउटा घरमा आगलागी हुँदा जलेर आमाछोराको मृत्यु भएको छ । घटना शनिबार रातिको हो ।

घर आगलागी हुँदा जलेर ७८ बर्षीया आमा कान्छी गुरुङ र अपाङ्गता भएका उनका ३९ बर्षका छोरा चनारसिंङ गुरुङको मृत्यु भएको जिल्ला प्रहरी कार्यालय गोरखाले जनाएको छ ।

आमा छोराको घरभित्रै जलेको अवस्थामा शव फेला परेको प्रहरीले जनाएको छ । आगलागीबाट घर पूर्ण रुपमा क्षतिग्रस्त भएको छ ।
घटनाबारे थप अनुसन्धान भइरहेको प्रहरीले जनाएको छ ।