‘रङ्गेली’को फष्टलुक सार्वजनिक

काठमाडौं– चलचित्र ‘रङ्गेली’ को फष्टलुक सार्वजनिक गरिएको छ । यो चलचित्र आगामी फागुन २५ गते महाशिवरात्रिको अवसर पारेर रिलिज हुन लागेको छ ।

तिहारको अवसर पारेर सार्वजनिक गरिएको फष्टलुकमा अभिनेता दयाहाङ राई मात्र देखिएका छन् । पोस्टरमा अभिनेता राईलाई ‘विजय’ नामबाट परिचय गराइएको छ ।

अर्जुन सुवेदीको लेखन तथा निर्देशन रहेको ‘रङ्गेली’ मा दयाहाङ राई, मिरुना मगर, अर्पण थापा, प्रवीण खतिवडा, रमेश बुढाथोकी लगायतको अभिनय छ ।

जितेन्द्र खतिवडा र अनुजजङ्ग थापा कार्यकारी निर्माता रहेको फिल्मका निर्माता संसार चौलागाईं र रमेश भट्टराई वशिष्ठ हुन् भने युवक कार्की र शिव शङ्कर चौलागाईँ सह–निर्माता रहेका छन् ।

अस्ट्रेलिया र अमेरिकामा कलाकारसहित भिआइपी रेड कार्पेट प्रिमियर हुने फिल्म अमेरिका, अस्ट्रेलिया, जापान, कोरिया, हङकङ लगायतका विश्वका विभिन्न मुलुकमा एकसाथ रिलिज हुनेछ ।