चितुवाको आक्रमणबाट भक्तपुरमा दुई जना घाइते

काठमाडौं– चितुवाको आक्रमणबाट भक्तपुरमा दुई जना घाइते भएका छन् ।

जिल्ला प्रहरी परिसर भक्तपुरका प्रहरी नायब उपरीक्षक बसन्त पाठकका अनुसार चितुवाले आज बिहान करिब ७ बजे दुई जना महिलालाई आक्रमण गरेर घाइते बनाएको हो । घाइतेहरूको अवस्था सामान्य छ ।

मध्यपुरथिमि नगरपालिका–लालीगुँरास टोलस्थित एक घरको कम्पाउण्डभित्र लुकेको चितुवालाई डिभिजन वन कार्यालयको टोलीले डार्ट गरेर नियन्त्रणमा लिने तयारी गरेको छ ।