सेयर बजार लगातार तेस्रो दिन पनि बढ्यो

काठमाडौं– सेयर बजार आज पनि बढेको छ । सेयर बजार परिसूचक नेप्से आज पाँच दशमलव १७ अङ्कले बढेर एक हजार आठ सय ६३ दशमलव ९४ विन्दुमा पुगेको छ ।

आज बैंकिङ, फाइनान्स, जलविद्युत्, जीवन बीमा, उत्पादन, माइक्रोफाइनान्स, व्यापार र अन्य समूहको सेयर सामान्य बढेको छ ।

सबैभन्दा धेरै ग्लोबल आईएमई लघुवित्तको सेयर आठ प्रतिशत र पिपुल्स हाइड्रोपावर कम्पनीको सेयर साढे सात प्रतिशतले बढेको छ । समग्रमा बजार बढेको दिन आज कर्पोरेट विकास बैंकको सेयर सबैभन्दा धेरै साढे छ प्रतिशतले घटेको छ ।

आज ३१ लाख ५७ हजार कित्ता सेयर ७८ करोड २७ लाख रुपैयाँमा कारोबार भएका छन् । सबैभन्दा धेरै सोनापुर मिनरल्स एन्ड आयल कम्पनीको पाँच करोड ६१ लाख रुपैयाँको सेयर किनबेच भएको छ ।