जुवा खेलेको आरोपमा धुम्बाराहीबाट दुईलाख रुपैयाँसहित ७ जना पक्राउ

काठमाडौं– काठमाडौंको धुम्बाराहीबाट जुवा खेलेको आरोपमा ७ जनालाई प्रहरीले पक्राउ गरेको छ ।

आज बिहान साढे २ बजे काठमाडौं महानगरपालिका–४ धुम्बाराही पिपलबोटस्थित टहरामा जुवा खेलिरहेको आरोपमा प्रहरीले ७ जनालाई पक्राउ गरेको हो ।

जुवा खेलिरहेको भन्ने खबरपछि प्रहरी वृत्त महाराजगन्जबाट डिएसपी अमरबहादुर थापा क्षेत्रीको नेतृत्वमा १० जनाको टोली खटिएको थियो ।

उक्त टोलीले ७ जनालाई पक्राउ गरेको हो । घटनास्थलबाट प्रहरीले दुई लाख ९२ हजार, २० हजार रुपैयाँको चेक एउटा र ११ बुक तास बरामद गरेको छ ।

प्रहरीले घटनाबारे थप अनुसन्धान अघि बढाएको छ ।