मन्त्री दुलालका अंगरक्षक मृत फेला

काठमाडौं– बागमती प्रदेश सरकार भौतिक पूर्वाधार विकासमन्त्री युवराज दुलालका अंगरक्षक प्रहरी सहायक निरीक्षक यमबहादुर सुवेदी मृत फेला परेका छन् ।

जिल्ला प्रहरी कार्यालय मकवानपुरका प्रमुख प्रहरी उपरीक्षक सीताराम रिजालले आज बिहान साढे ६ बजे हेटौंडा उपमहानगरपालिका–११ स्मारक क्षेत्रमा सुवेदी मृत फेला परेका हुन् ।

उनको शव पोष्टमर्टमको लागि हेटौंडा अस्पतालमा राखिएको छ । सुवेदीको मृत्युको कारण खुलिनसकेको रिजालले बताए ।

घटनाको थप अनुसन्धान भइरहेको प्रहरीले जनाएको छ ।