नेपाली सेनाका लेस नायक सडक पेटीमा मृत अवस्थामा फेला

काठमाडौं– नेपाली सेनाका एक जना लेस नायक सडक पेटीमा मृत भेटिएका छन् । काठमाडौं महानगरपालिका–१३ सोल्टिमोडस्थित दरबार बैंकेटअगाडि सडक पेटीमा नेपाली सेनाका लेस नायक सुमन कार्की मृत अवस्थामा भेटिएका हुन् ।

गणेश दल गण जंगीअड्डा भद्रकालीमा कार्यरत २६ वर्षिय कार्की सडकमा मृत अवस्थामा फेला परेको जिल्ला प्रहरी परिसर काठमाडौंका एसपी कुमोध ढुंगेलले जानकारी दिए ।

मृतकको साथमा नेपाल आर्मीको आइडी कार्ड भेटिएको छ । उनी चन्द्रागिरि नगरपालिका–६ मा बस्दैं आएका थिए । मृत्यु हुनुको कारण भने खुल्न बाँकी छ ।