युएईलाई ८ विकेटले हराउँदै नेपाल टी–२० विश्वकपमा छनोट

काठमाडौं– नेपाल टी–२० विश्वकपमा छनोट भएको छ ।

आज मुलपानी क्रिकेट मैदानमा भएको सेमिफाइनल खेलमा युएईलाई ८ विकेटले पराजित गर्दै नेपाल टी–२० विश्वकपमा छनोट भएको हो ।

टस जितेर पहिले ब्याटिङ गरेको यूएईले निर्धारित २० ओभरमा १३४ रन बनाएको थियो । १३५ रनको लक्ष्य पछ्याएर जवाफी ब्याटिङमा उत्रिएको नेपालले १७.१ दशमलव ओभरमा दुई विकेट गुमाउँदै लक्ष्य पूरा गरेको हो ।

नेपालको जितमा आसिफ शेख नायक बने । उनले ५१ बलमा ६४ रन बनाए । कप्तान रोहित पौडेलले २० बलमा ३५ रन बनाए ।

योसँगै वेस्टइन्डिज र अमेरिकामा हुने २०२४ को विश्वकपमा खेल्ने १८ देशको टुंगो लागेको छ । अब छनोट खेलको उपाधिका लागि आइतबार ओमान र नेपाल टियु क्रिकेट मैदानमा भिड्नेछन् ।