सर्राफ हत्या प्रकरणबारे जानकारी दिन प्रहरीले आज पत्रकार सम्मेलन गर्दै

काठमाडौं– बाराको कलैयास्थित बाल एकता बोर्डिङ्ग स्कुलका सञ्चालक रुपेश सर्राफको हत्या प्रकरणमा भइरहेको अनुसन्धानबारे जिल्ला प्रहरी कार्यालयले आज पत्रकार सम्मेलन गरेर जानकारी गराउने भएको छ ।

जिल्ला प्रहरी कार्यालय बाराका प्रहरी नायव उपरीक्षक दधीराम न्यौपानेले आज दिउँसो १ बजे पत्रकार सम्मेलनको आयोजना गरिएको जानकारी दिए ।

सर्राफको सोमबार दिउँसो गोली हानी हत्या भएको थियो । घटनामा संलग्न ६ जनालाई प्रहरीले पक्राउ गरेपनि उनीहरुको विस्तृत विवरण खुलाएको छैन ।

प्रहरीको प्रारम्भिक अनुसन्धानमा सर्राफ परस्त्रीसँगको सम्बन्धमा रहेका थिए । सोही कारण उनको हत्या भएको हुनसक्ने अनुमान गरिएको छ ।