गाजाको सबैभन्दा ठूलो शरणार्थी शिविरमा भएको शक्तिशाली विष्फोटमा ५० जना मारिएको दाबी

काठमाडौं– इजरायल र हमासबीचको युद्धको आज २६ औं दिन हो ।

यसैबीच, मङ्गलबार राति इजरायलले उत्तरी गाजामा रहेको सबैभन्दा ठूलो जबलिया शरणार्थी शिविरलाई निशाना बनाएको छ । इजरायली सेनाले यस हमलामा हमासका वरिष्ठ कमाण्डर इब्राहिम बियारीसहित ५० लडाकू मारिएको दाबी गरेको छ ।

हमासको नियन्त्रणमा रहेको गाजाको स्वास्थ्य मन्त्रालयले इजरायली आक्रमणमा दर्जनौंको मृत्यु भएको र सयौं घाइते भएको बताएको छ । इजरायली सेनाले यस अवधिमा आफ्ना दुई सैनिकको पनि ज्यान गएको जनाएको छ ।

गाजा शहरको उत्तरी क्षेत्रमा अवस्थित जबलिया क्याम्प गाजाका आठ शरणार्थी शिविरमध्ये सबैभन्दा ठूलो हो ।