बिजुलीको पोलमा मोटरसाइकल ठोक्किदा एक जनाको मृत्यु

काठमाडौं– मकवानपुरको बाग्मती गाउँपालिका–७ लामीटारमा गएराति मोटरसाइकल दुर्घटना हुँदा एक जनाको ज्यान गएको छ ।

मदन भण्डारी लोकमार्ग अन्तर्गत झुरझुरेबाट हेटौंडा जाँदै गरेको ना ३० प ३४८१ नम्बरको मोटरसाइकल अनियन्त्रित भइ बिजुलीको पोलमा ठोक्किएको हो ।

दुर्घटनामा मोटरसाइकलका चालक बाग्मती गाउँपालिका–६ ठाडीखोला बस्ने २२ वर्षीय सन्तोष दर्लामीको ज्यान गएको छ । उनको उपचारका क्रममा काठमाडौंको न्युरो अस्पतालमा ज्यान गएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिइन् ।