काठमाडौंको असनमा दुई भरियाको मृत्यु

काठमाडौं– काठमाडौंको असन क्षेत्रमा मजदुरी गर्दै आएका दुई भरियाको मृत्यु भएको छ ।

मृत्यु हुनेमा दोलखा कालिन्चोकका ५४ वर्षीय पूर्णबहादुर थामी र अन्दाजी ३५ वर्षका अर्का एक युवक रहेका छन् ।

महानगरीय प्रहरी वृत्त जनसेवाका प्रमुख भेषराज रिजालका अनुसार, मसान गल्ली र असन क्षेत्रमा ती दुई मजदुरलाई सिकिस्त अवस्थामा भेटेर अस्पताल पुर्याइएको थियो ।

आज बिहान उनीहरुको उपचारको क्रममा मृत्यु भएको प्रहरीले जनाएको छ ।