हमासद्वारा पहिलो पटक इजरायली बन्धकको भिडियो सार्वजनिक

काठमाडौं– इस्लामिक लडाकु समुह हमासले पहिलो पटक आफ्नो कब्जामा राखिएकी एक इजरायली बन्धक युवतीको भिडियो सार्वजनिक गरेको छ ।

भिडियोमा देखिएकी युवती २१ वर्षीया माया शेम हुन् । इजरायलको शोहम शहरकी उनले हमासले आफूलाई इजरायलकै एउटा पार्टीबाट उठाएर लगेको बताएकी छन् । भिडियोमा उनलाई चोट लागेको र उपचार भइरहेको पनि देखिन्छ ।

भिडियोमा उनले आफ्नो रिहाइको अपिल गरेकी छन्। इजरायली सेनाले पनि उनलाई हमासले अपहरण गरेको पुष्टि गरेको छ । सेनाले उनको परिवारसँग निरन्तर सम्पर्कमा रहेको बताएको छ ।

इजरायलले हमासले आफ्नो भूमीबाट दुई सय जनालाई बन्धक बनाएको बताएको छ ।