इजरायलको भ्रमणमा निस्किदै बाइडेन, गाजामा मानवीय सहायताबारे जानकारी लिने

एजेन्सी– अमेरिकी राष्ट्रपति जो बाइडेनले भोलि इजरायलको भ्रमण गर्ने भएका छन् ।

राष्ट्रपति बाइडेनले कोलोराडो भ्रमणको योजना रद्द गरेर इजरायल जान लागेको अमेरिकाको राष्ट्रिय सुरक्षा परिषद्का प्रवक्ता जोन किर्बीलाई उद्धृत गर्दै बीबीसीले जनाएको छ ।

प्यालेस्टिनको विद्रोही समूह हमासले गरेको आक्रमणपछि इजरायलले गरिरहेको जवाफी आक्रमण र अबको योजनाबारेमा जानकारी लिन उनी इजरायल जान लागेका हुन् । उनले गाजामा मानवीय सहायताको अवस्थाबारेमा पनि जानकारी लिने कार्यक्रम छ ।

यस्तै, बाइडेन इजरायल भ्रमणपछि मध्यपर्व सुरक्षाको बारेमा छलफल गर्न जोर्डन जाने कार्यक्रम छ । इजरायली सेनाले गाजामा रकेट आक्रमण गरिरहेको छ ।

यस्तै, हमासले पनि सीमा क्षेत्रसहित इजरायलको राजधानी तेल अभिभमा रकेट प्रहार गरिरहेको छ । अहिले गाजा क्षेत्रको जनजीवन अस्तव्यस्त रहेको छ ।