धादिङमा जिप दुर्घटना हुँदा एक बालकको घटनास्थलमै ज्यान गयो, ५ जना घाइते

काठमाडौं– धादिङमा जिप दुर्घटना हुँदा एक बालकको मृत्यु भएको छ ।

धादिङबेँसीबाट रिगाउँको तावल जाँदै गरेको मे.१ज २६६९ नम्बरको जिप अनियन्त्रित भई गंगाजमुना गाउँपालिका– ४ गुम्दीमा जिप दुर्घटना हुँदा एक बालकको घटनास्थलमै ज्यान गएको छ ।

मृत्यु हुनेमा गंगाजमुना गाउँपालिका– २ का करिब १४ वर्षीय अनुरोध तामाङको रहेको गंगाजमुना गाउँपालिकाका प्रमुख प्रशासकीय अधिकृत अनिल श्रेष्ठले जानकारी दिए ।

दुर्घटनामा ३५ वर्षीय आकाश तामाङ, २२ वर्षीय साजन तामाङ, ३५ वर्षीय अनुप तामाङसहित दुई बालक एडेल तामाङ र फिडिक तामाङ घाइते भएका छन् । घाइतेहरूको गुम्दी स्वास्थ्य चैकीमा उपचार भइरहेको जिल्ला प्रहरी कार्यालयका प्रहरी उपरीक्षक गौतम मिश्रले बताए ।