काभा भलिबलमा नेपालले आज उज्वेकिस्तानसँग खेल्दै

काठमाडौं– काभा पुरुष भलिबल च्यालेन्ज कपमा नेपालले आज उज्वेकिस्तानसँग खेल्दैछ । खेल श्रीलङ्काको कोलम्बोमा नेपाली समय अनुसार बेलुका पौने ७ बजे हुनेछ ।

हिजो भएको खेलमा नेपाल साउदी अरेबियासँग ३–२ को सेटमा पराजित भयो । हारसँगै नेपालको फाइनल खेल्ने सम्भावना कमजोर बनेको छ ।

नेपालले उज्वेकिस्तानलाई चार सेटभित्रै हराए मात्रै फाइनल पुग्नेछ । यसअघि नेपालले बङ्गलादेशलाई ३–१ को सेटमा तथा अफगानिस्तानलाई ३–२ को सेटमा पराजित गरेको थियो । श्रीलङ्कासँग सोझो सेटमा पराजित भएको थियो ।

६ टोली सहभागी प्रतियोगितामा आयोजक श्रीलङ्का फाइनलमा पुगेको छ । फाइनल र तेस्रो स्थानको खेल भोलि हुनेछ ।