विश्वकप क्रिकेटः आज भारत र पाकिस्तानबीच खेल हुँदै

काठमाडौं– आइसीसी क्रिकेट विश्वकप अन्तर्गत आज भारत र पाकिस्तानबीच खेल हुँदै छ । खेल अहमदावादस्थित नरेन्द्र मोदी स्टेडियममा नेपाली समय अनुसार दिउँसो २ः१५ बजेदेखि शुरु हुनेछ ।

आजको खेललाई विश्वकपकै ठुलो भिडन्तको रुपमा लिइएको छ ।

जारी खेलमा भारत र पाकिस्तान दुवैले आफ्ना शुरुवाती २–२ खेल जितेर शानदार शुरुवात गरेका छन् ।

भारतले पहिलो खेलमा अस्ट्रेलियालाई ६ विकेटले पराजित गरेको थियो भने दोस्रो खेलमा अफगानिस्तानलाई ८ विकेटले पराजित गरेको थियो ।

त्यसैगरी पाकिस्तानले पहिलो खेलमा नेदरल्याण्डसलाई ८१ रनले पराजित गरेको थियो भने दोस्रो खेलमा श्रीलंकालाई ६ विकेटले पराजित गरेको थियो ।

क्रिकेटका चिरपरिचित प्रतिद्वन्दी भारत र पाकिस्तानबीचको यो खेल निकै रोचक हुने अनुमान गरिएको छ ।