२०८० सालमा दयाहाङका १० फिल्म

काठमाडौं – दयाहाङ राई अहिलेका सर्वाधिक व्यस्त अभिनेता हुन् ।२०८० सालमा उनी अभिनित १० फिल्म प्रदर्शनमा आउने देखिएको छ ।

उनको व्यस्तता यस वर्ष रिलिज हुने फिल्मको सूचीले नै पुष्टि गर्छ । वर्षको सुरुवात वैशाख १ गते उनका दुई फिल्म एकैसाथ रिलिज भए, ‘जारी’ र ‘बिहेपास’ । ‘जारी’ ब्लकबस्टर बन्यो । केही समयअघि ‘नीरफूल’ र ‘नांगो गाउँ’ रिलिज भइसकेका छन् ।

कात्तिक २४ मा दयाहाङको शीर्ष भूमिका रहेको ‘दिमाग खराब’ प्रदर्शन हुनेछ । माघ २६ मा ‘हात्तीछाप’, फागुन २५ मा ‘लोकल हिरो’ र ‘रंगेली’ रिलिज हुनेछन् । पुसतिर ‘गाउँ आएको बाटो’ प्रदर्शनको तयारी छ । नयाँ वर्षमा ‘डिग्री माइला’ रिलिज हुनेछ ।