इजरायलमा सम्पर्कविहीन भएका विपिन जोशीको खोजी कार्य जारी

काठमाडौं– इजरायलस्थित नेपाली दूतावासले हमास समूहको आक्रमणमा परेर सम्पर्कविहिन भएका कञ्चनपुर महेन्द्रनगरका विपिन जोशीको खोजी कार्य जारी राखेको छ ।

दूतावासले आक्रमण पछि सकुशल अवस्थामा उद्धार गरिएका उनीसँगै बस्दै आएका एक विद्यार्थीलाई साथमा लगेर विभिन्न अस्पतालहरुमा खोजी गरिरहेको छ ।

दूतावासले आज परराष्ट्र मन्त्रालयलाई अस्पतालहरुमा खोजी गर्दा विपिन घाइते अवस्थामा फेला नपरेको र खोजीका लागि इजरायली प्रहरीको सहयोग मागिएको जानकारी गराएको छ ।

लर्न एन्ड अर्न’ कार्यक्रमअन्तर्गत गत भदौ अन्तिम साता विपिन इजरायल गएका थिए । उनीसँगै इजरायल गएका अन्य १० नेपाली विद्यार्थीको भने हमासको आक्रमणमा मृत्यु भइसकेको छ ।