इन्डियन आइडलमा नेपाली गायिका मेनुकाले जितिन् ‘गोल्डेन माइक’

काठमाडौं– भारतको गायन रियालिटी शो इन्डियन आइडल सिजन १४ को अडिसनमा नेपाली गायिका मेनुका पौडेलले दिएको प्रस्तुतिले जजहरुलाई रुवाएको छ ।

मेनुकाले अडिसनमा ‘तुम्हारे बिना हमरा कोनो नही’ बोलको क्लासिकल भजन गाएकी थिइन् । उनले गीत गाउँदै गर्दा जजहरु निकै भावुक भएका हुन् । तीनै मध्यकी गायिका श्रेया घोषाल भक्कानिदै रोएकी थिइन् ।

उक्त प्रस्तुतिबाट मेनुकाले गोल्डेन माइक पनि जितेकी छन् । जजहरू श्रेया घोसाल, विशाल डिडलानी र कुमार सानुले उनलाई स्टान्िडङ अवेसन समेत दिएका थिए ।

मेनुका फरक क्षमता भएकी गायिक हुन् । उनी दुवै आँखा देख्दिनन् । २५ वर्षकी मेनुकाले २०७५ सालमा भारतको रिपालिटी शोमा सारेगमपमा पनि भाग लिएकी थिइन् ।