कोदालो प्रहार गरी बुवाको हत्या गरेका छोरा पक्राउ

काठमाडौं– कञ्चनपुरमा बुवाको हत्या गरेका छोरा पक्राउ परेका छन् ।

पुनर्वास नगरपालिका– ११ भीमबस्तीका १८ वर्षीय हेमन्त धामीले आज बिहान घरायसी विवादका क्रममा कोदालो प्रहार गरि ४६ वर्षीय बुवा जसवीरको हत्या गरेका हुन् ।

हेमन्तले गरेको प्रहारले बुवाको घटनास्थलमा नै मृत्यु भएको प्रहरीले जानकारी दिएको छ ।

उनलाई इलाका प्रहरी कार्यालय, त्रिभुवनबस्तीले नियन्त्रणमा लिएर घटनाको थप अनुसन्धान थालेको छ ।