कोशी प्रदेशका मुख्यमन्त्री कार्कीले राजीनामा दिने

काठमाडौं– कोशी प्रदेशका मुख्यमन्त्री हिक्मतकुमार कार्कीले राजीनामा दिने भएका छन् ।

मुख्यमन्त्री कार्कीले विश्वासको मत लिनुअगाडि बसेको एमाले संसदीय दलको बैठकमा राजीनामा दिने घोषणा गरेका हुन् ।

मुख्यमन्त्री कार्कीले आजै प्रदेश सभामा सम्बोधन गरेर पदबाट राजीनामा दिने एमाले प्रदेश संसदीय दलका प्रमुख सचेतक रेवतीरमण भण्डारीले जानकारी दिए ।

उनले आजै विश्वासको मत लिने समय तोकिएको थियो । संविधानको धारा १६८ (५) अन्तर्गत पुन मुख्यमन्त्री हुन नपाउने सुझाव आएपछि कार्की राजीनामा दिने निर्णयमा पुगेका हुन् ।