सेती नदीमा नुहाउन गएका दुई बालक बेपत्ता

काठमाडौं– सेती नदीमा नुहाउने क्रममा दुई बालक बेपत्ता भएका छन् ।

जिल्ला प्रहरी कार्यालय डोटीका अनुसार दिपायल सिलगढी नगरपालिका– ७ पिपल्ला बस्ने ८ वर्षीया खुशी प्रजापति र साढे दुई वर्षका सिद्धार्थ देउवा दीपायलस्थित सेती नदीमा नुहाउने क्रममा बेपत्ता भएका हुन् ।

बेपत्ता दुवैको खोजी कार्यका लागि सुरक्षाकर्मी तथा स्थानीयहरू खटिएको प्रहरीले जनाएको छ ।