९ अङ्कले बढ्यो नेप्से, १ अर्ब १८ करोड रुपैयाँको कारोबार

काठमाडौं– आज सेयर बजार सामान्य बढेको छ । सेयर बजार परिसूचक नेप्से आज नौ दशमलव २४ विन्दुले बढेर एक हजार नौ सय ६७ दशमलव ९७ विन्दुमा पुगेको छ ।

आज बैंकिङ समूहबाहेक अरू सबै समूहको सेयर सामान्य बढेको छ । सबैभन्दा धेरै मध्य भोटेकोशी जलविद्युत् र बुद्धभूमि हाइड्रोपावर कम्पनीको सेयर १० प्रतिशतले बढेको छ ।

समग्रमा बजार बढेको दिन सबैभन्दा धेरै समता घरेलु लघुवित्त कम्पनीको सेयर साढे छ प्रतिशतले ओरालो लागेको छ ।

आज ४३ लाख २३ हजार कित्ता सेयर एक अर्ब १८ करोड ९९ लाख रुपैयाँमा कारोबार भएका छन् ।

सबैभन्दा धेरै सिटिजन लाइफ इन्सुरेन्स कम्पनीको छ करोड ९३ लाख रुपैयाँको सेयर किनबेच भएको छ ।