लगातार ८ दिन घटेको सुनको मूल्य आज बढ्यो

काठमाडौं– आज सुनको मूल्य बढेको छ । लगातार ८ दिन घटेपछि आज सुनको मूल्य तोलामा ३ सय रुपैयाँले बढेको हो ।

मूल्य बढेसँगै आज छापावाल सुनको मूल्य तोलामा १ लाख ६ हजार ९ सय र तेजाबी सुनको मूल्य तोलामा १ लाख ६ हजार ४ सय रुपैयाँ छ ।

हिजो मंगलबार छापावाल सुनको मूल्य तोलामा १ लाख ६ हजार ६ सय र तेजाबी सुनको मूल्य तोलामा १ लाख ६ हजार १ सय रुपैयाँ थियो ।

सुनको मूल्य यही असोजको ८ गतेदेखि निरन्तर घट्न थालेको थियो ।

यस्तै, आज चाँदीको मूल्य भने स्थिर छ । आज चाँदी १३ सय १० रुपैयाँमा कारोबार भइरहेको छ ।