एमाले कर्णाली अधिवेशनको मतगणना सुरु

काठमाडौं– नेकपा एमालेको कर्णाली प्रदेशको नयाँ नेतृत्व चयनका लागि भएको निर्वाचनको मतगणना सुरु भएको छ । बिहान ८ बजेदेखि मतगणना हुने भनिएको गणना ढिलोगरी सुरु भएको हो ।

कर्णालीमा प्रदेश कमिटीको अध्यक्षका लागि ३ जना प्रतिस्पर्धामा छन् । मिनबहादुर शाही, गुलाबजंग शाह र प्रकाश रोकायाबीच प्रतिस्पर्धा हुन लागेको हो ।

त्यस्तै उपाध्यक्षमा टेकराज पछाई, दानसिंह परियार र लालबहादुर महाताराबीच प्रतिस्पर्धा छ । सचिवमा ध्रुवकुमार शाही र रुद्रबहादुर शाही उम्मेदवार छन् ।

आइतबार भएको निर्वाचनमा ६१६ जना मतदातामध्ये ६०९ जनाले मतदान गरेका थिए ।