मोटरसाइकलको ठक्करबाट ५ वर्षीय बालकको मृत्यु

काठमाडौं– मोटरसाइकलको ठक्करबाट सुर्खेतमा पाँच वर्षीय बालकको मृत्यु भएको छ । मृत्यु हुनेमा दैलेखको आठविस नगरपालिका खिड्कीज्यूलाका पाँच वर्षीय टुकदर्शन गिरीको मृत्यु भएको प्रहरीले जनाएको छ ।

वीरेन्द्रनगरको एरिचोक–मुलपानी खण्डमा मोटरसाइकलले ठक्कर दिँदा बालकको मृत्यु भएको हो । दुर्घटनामा गम्भीर घाइते भएका उनको कर्णाली केयर अस्पतालमा उपचारको क्रममा मृत्यु भएको हो ।

दुर्घटनापछि मोटरसाइकल चालक फरार रहेकाले खोजी जारी रहेको प्रहरीले जनाएको छ ।