एसियाडमा नेपाली पब्जी टोली सेमिफाइनलबाटै बाहिरियो

काठमाडौं– १९औं एसियाली खेलकुदअन्तर्गत इस्पोर्ट्सको पिस एलिस एसियन गेम्स भर्सन (पब्जी) मोबाइलमा नेपाली टोली सेमिफाइनलबाट बाहिरिएको छ ।

आज बिहान चाइना हाङझाउ इस्पोर्ट्स सेन्टरमा भएको प्रतिस्पर्धाको समूह ‘ए’ को सेमिफाइनलमा नेपाली टिम दक्षिण कोरिया र चाइनिज ताइपेईसँग पराजित भएको हो ।

नेपाली टिममा सुबिनकुमार प्रजापति, दिपेश गुरुङ, साहस भण्डारी र समिर गुरुङले शनिबार खेलेका थिए । कोरिया र ताइपेई भने फाइनल चरणमा पुग्न सफल भएका छन् ।

सेमिफाइनल चरणको समूह बी को खेल आज दिउँसो हुनेछ । सेमिफाइनलमा दुवै समूहबाट शीर्ष दुई टोली फाइनलमा पुग्नेछ र फाइनलमा शीर्ष तीन स्थानमा रहनेले पदक जित्नेछ ।