महालक्ष्मी बैंकका ग्राहकलाई विशेष छुट

काठमाडौं – महालक्ष्मी विकास बैंक लिमिटेडले स्वास्थ्य, श्रृगार र होटल तथा रेष्टुरेन्ट क्षेत्रका संस्थाहरुसँग समन्वय गरी अगाडि बढ्ने अभिप्रायका साथ विभिन्न स्थानमा अवस्थित संस्थाहरुसँग सम्झौता गरेको छ ।

सम्झौता पश्चात बैंकका डेविट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकले उक्त संस्थाका विभिन्न सेवामा विशेष छुट प्राप्त गर्न सक्नेछन् । छुट प्राप्त गर्न सकिने संस्थाहरुमा सुमेरु हस्पिटल प्रा.लि, धापाखेल, एसियन बुद्ध होटल, महाफेन्सी, रेसु ब्युटिपार्लर र बेनुफुल कलेक्सनमा उपचार एवं सामान खरिद बिक्रीमा यस किसिमको सहकार्यबाट बैंकका डेविट अथवा क्रेडिट कार्ड तथा मोबाइल बैंकिग प्रयोग गर्ने ग्राहक लाभान्वित हुने विश्वास बैंकले लिएको छ । यसका साथसाथै डिजिटल युगसँग नेपाली जनतालाई साक्ष।तकार गराउने उद्देश्यले बैकले विभिन्न शाखाबाट वित्तीय जनचेतनामुलक कार्यक्रम सञ्चालन गर्दै आएको पनि विज्ञप्तिमा उल्लेख छ ।