अखाद्य मिठाई बेच्ने टिपटप समोसालाई २ लाख जरिवाना

काठमाडौं– काठमाडौं महानगरपालिकाले गुणस्तरहीन खाद्यान्न बिक्री गर्ने ‘टिपटप समोसा’ लाई २ लाख रुपैयाँ जरिवाना तिराएको छ ।

महानगरपालिकाको बजार अनुगमन समितिले अखाद्य र अस्वच्छ खाद्यान्न बिक्री गर्दै आएको टिपटप समोसालाई उक्त जरिवाना तिराएको हो ।

महानगरपालिकाको वडा नम्बर १७ स्थित टिपटम समोसाको अनुगमनका क्रममा अखाद्य वस्तु बिक्री वितरण गरेको पाइएको थियो ।

उक्त पसलले अखाद्य वस्तु बिक्री वितरण गरिरहेको सूचना आएपछि बजार अनुगमनमा पुगेको महानगर प्रहरी प्रमुख राजुनाथ पाण्डेले बताए ।