बिपी साहित्य महोत्सवको स्थगित कार्यक्रम बुधबार हुने

काठमाडौं– नेपाली कांग्रेसले स्थगित बिपी साहित्य महोत्सव असोज ३ गते बुधबार गर्ने भएको छ ।

संविधान दिवसका दिन कांग्रेसले केन्द्रीय कार्यालय सानेपामा बिपी महोत्सवको बाँकी कार्यक्रम गर्ने भएको हो ।

नेकपा एमालेका नेता सुवास नेम्वाङको निधन भएपछि गत भदौ २६ गते कांग्रेसले बिपी साहित्य महोत्सव स्थगित गरेको थियो ।

कांग्रेस प्रचार विभाग प्रमुख मीन विश्वकर्माले असोज ३ गते बिहान १०ः३० बजेदेखि अपराह्न ५ बजेसम्म बिपी साहित्य महोत्सव गरिने जानकारी दिए ।

कांग्रेसले भदौ २४ र २५ गते पनि बिपी साहित्य महोत्सवमा विभिन्न कार्यक्रम गरेको थियो ।