नेप्सेमा दोहोरो अङ्कको गिरावट

काठमाडौं– आइतबार र सोमबार बढेको सेयर बजार आज भने घटेको छ । सेयर बजार परिसूचक नेप्से आज १९ दशमलव ४२ अङ्कले घटेर एक हजार नौ सय ६७ दशमलव ५७ विन्दुमा झरेको छ ।

आज म्युचल फन्डबाहेक सबै समूहको सेयर ओरालो लागेको छ । सबैभन्दा धेरै थ्री स्टार हाइड्रोको सेयर १० प्रतिशत र सुपर मादी हाइड्रोको सेयर साढे सात प्रतिशतले घटेको छ ।

समग्रमा बजार घटे पनि आज सबैभन्दा धेरै शुभम् पावर कम्पनीको सेयर १० प्रतिशत र साम्लिङ पावर कम्पनीको सेयर आठ प्रतिशतले बढेको छ ।

आज ३९ लाख १६ हजार कित्ता सेयर एक अर्ब १३ करोड ५० लाख रुपैयाँमा कारोबार भएका छन् । सबैभन्दा धेरै नेपाल एसबीआई बैंकको सात करोड ५६ लाख रुपैयाँको सेयर किनबेच भएको छ ।