हिजो रोकिएको भारत र पाकिस्तानबीचको खेल आज हुँदै

काठमाडौं– एसिया कपको सुपर फोरमा वर्षाका कारण हिजो स्थगित भएको भारत र पाकिस्तानबीचको खेल आज हुँदैछ ।

टस हारेर पहिले ब्याटिङ गरेको भारतले हिजो २४ ओभर १ बलमा २ विकेटको क्षतिमा १ सय ४७ रन बनाएपछि वर्षा भएपछि खेल रोकिएको थियो । भारत र पाकिस्तानबीचको खेल ‘रिजर्भ डे’ मा राखिएको थियो ।

आज भारतले सोही अवस्थाबाट खेल सुरु गर्नेछ । आज पनि खेल हुन सकेन भने खेल रद्द भइ दुबै टोलीले एक–एक अंक बाँड्ने छन् ।